Adjudante

Vastelaovendj vier se natuurlik mit dien kammeraoj!
Biej dizze den ouch mien 4 adjes die mit mich de ker gaon trikke!

Roy Poels

Mit dizze jong kin ich laeze en schrieve.. mer gelukkig ouch väöl beer drinken. Hae heet inmiddels ouch al ervaring opgedaon mit ’t adjudantsjap. Henjig!
V’r zeen ooitjs begos mit ’t organisere van tentekamp, naodet det dreigdje te stoppe. Det beveel os good. Daonoa höbbe v’r ouch de sjouwers gezat onger ’t nuuj opzitte van de kermis.
V’r höbbe naeve det organisere nog ein euvereinkomst.. Ich heit van Mofert, mer kom neet oet Mofert. En hae heet rooi haor en kumpt ouch neet oet Mofert..

Tim Suntjens

Op ein bein kinse natuurlik neet staon.. dus ich höb natuurlik mieër adjudanten.
Eine adjudant mit ervaring in ’t adjudantsjap is henjig.. Mer eine adjudant dae ouch ervaring heet es prins is natuurlik extreem henjig! En det heet deze jong! Hae is zelfs de langst regerendje prins! Dit jaor is der ouch nog de veurzitter gewoore  van dees sjoon vereiniging. Mer helaas zal der die taak dit jaor get minder kinne vervullen. Mer dao höbbe v’r ’t aafgelaupe vakansie in Italie al euver gehadj.. onger ’t genot van eine pizza of 2 of …

 

Roy Leduc

Noe op nao de derdje.. Es de meiste luuj waarsjienlik weite bin ich neet van Lin. 11 jaor geleeje bin ich nao dit sjoone dörpke gekomme..  mer daoveur woonde ich aan de angere kantj van de Maas. In ’t sjoone Bagdad-City oftewaal Bieëgdje..
Daorom ouch mien keuze om ouch eemes van dae kantje es adjudant te vraoge. En det is geluktj! Hae is ouch nog de pap van mien petekindje Sara! Mit deze jong höb ich hieël Midden-Limburg, Belsj en Pruuses mit ’t oetgaon onveilig gemaaktj. Ouch meinig vakansie aan de Middellandse zee höbbe v’r euverlaefd. Oftewaal eine echte Gangmaeker!
Gaer wiltj der us mitmake wie ’t hiej in Lin der aan toe geit.

William Schalley

1, 2, 3 adju’s.. Ein sjoon aantal, neet?
Allein kiek ich nog euver eine adju haen (jao, ich moog det zigge)..
Deze jong kint g’r allemaol. Mer waat g’r neet wit, is det hae mich mitgenomme heet in ’t dörp.. Op zunjig murge biej Ruudje onger genot van get pilskes ff de boel de boel laote en de letste roddels van ’t dörp aanheure. Nog ummer erg gezellig! Mer daonao heet der mich ouch nao de Kwekkerte mitgenomme. Ich höb zelfs ein jaorke mitgelaupe (kieke of ’t waal get woor 😉).. Bliekbaar waal hè.
Enja, bin eerlik… ’t is toch ideaal det de afterparty nog door kin gaon omdet de bovenbuurman der geweun biej is..

 


Mien proclamasie