Miene prinsesjlager
Ingrediënte:
eine prins
dae ’t leefst kin zinge
eine leedje es basis
ein geluidsfragment mit de vistrappe
ein geluidsfragment mit de sirene van de sjloes Linne
ein geluidsfragment mit eine duuk in ‘t water
ein geluidsfragment mit Kwekkerte
ein geluidsfragment van 't Oktoberfest
ein geluidsfragment mit eine rammelesjang
ein meziekbewerkingsprogramma
de tekst
väöl geduldj en probere
Bereidingswieze:
- Start: V’r beginne mit ’t leedje es basis. In mien geval is det Cascada – Everytime we touch. Mer det vonj ich te mekkelik. Dus ich höb 2 versies mit elkaar doorgemixtj.. Beginnendj mit de rockversie en door nao eine get hellere versie. D’r mot immers gesjpronge en gefieëst waere!
Mer det woor get te kaal.. Dus beginne v’r mit de geluide van de vistrap en get Kwekkerte… En ouch det duke mot der in… Missjien us ff aan de dreijtaofel scratchen..
Det klinktj al aardig.. Noe nog de sirene derin! Volop gaas!
Toch nog neet alles.. Gelökkig höbbe v’r de rammelesjang nog! Gooje v’r dae op de bass derbiej! 12 geluidsjpore en tal van oere/daag verder.. v’r zeen der bienoa! De basis steit! - Tekst: Neet te moeilik, zodet idderein mit kin doon.
Refrein:
't daak geit der aaf mit de vastelaovendj
v'r sjpringe, fieëste hosse, de ganse nacht door
Nae v'r zeen nog gaar neet meug,
v'r gaon door toet murgevreug
Drie daag volop gaas! - Oetdaging: Inzingen!
Ein van de dinger det neet mien dink is: zinge! Mergood… det heurtj der biej!
Allein dich zelf truuk heure is vraemd.. Mer nao tal van sessies in mien eigen studioke, toch nog get gevonje (tied begos ouch op te rake; nog mèr 1 waek)…
Namelik ein sjoon effect toevooge… namelik de omroopinstallatie van eine supermarktj (woe ich vreuger in Hael hieël get jaore gewirktj höb).. Sommige zigge: det is eine megafoon, mer ouch det kin.. Immers gaas gaeve!
